एक गजल ✍️ धनमाया राई !- विदेशमा पोख्छ जमात रगत र पसिना यता जहानको आँसु ,जवानी सिद्धिन्छ

  धनमाया राई  

  उपाध्यक्ष - प्रलेस सिन्धुली 

 

  गजल

  

  सिद्धिन त हरेकको जिन्दगानी सिद्धिन्छ

  सकिनु नै छ जानीनजानी सिद्धिन्छ

  देशको लागि केही गरौं,मौका पाको बेला

 नत्र पालै पालो कुर्सी तानीतानी सिद्दिन्छ

 विदेशमा  पोख्छ  जमात रगत र पसिना 

 यता जहानको आँसु , जवानी सिद्धिन्छ

 युवालाई देशमै रोजगार मिलाइदेऊ सरकार

 यतिबेला सुस्ताए तिम्रो कहानी सिद्धिन्छ

 देशको निम्ति लड्ने दुई चार सपुत नभए त

 इतिहासमा सीमित हाम्रो निशानी सिद्धिन्छ