गजल !- पबित्रा थापा मगर जन्म दिने आमा पनि बेच्ने गर्छन मान्छेहरू आफ्नो राजनितीमा स्वार्थ अनुकूल बनाएर।

गजल

झरेको पातलाइ पनि सजाउनु फूल बनाएर।

खेर नफाल्नु जिन्दगी आँसु को मुल बनाएर।

गाउँको क्या राम्रो बिकास गर्नु भो मन्त्रीज्यु,

खोला नै नभएको ठाँउमा पनि पुल बनाएर।

जन्म दिने आमा पनि बेच्ने गर्छन मान्छेहरू 

आफ्नो राजनितीमा स्वार्थ अनुकूल बनाएर।

मै हु भन्नेहरुले पनि  केही त गरेनन् ,आखिर 

जनता मारे राजनितीको क्याप्सुल बनाएर।

सरकार !बिरामी आमालाई मृगौला किन्नु छ 

र म मुटु बेच्न विज्ञापन गर्दैछु तूल बनाएर।

पबित्रा थापा मगर

कावासोती -३  नवलपुर