Happy father's day to all fathers🙏@ Gitarani Balal

 

"मामु आज त बाबाको फोटाे राख्ने दिन रेन्त ! "सानी छोरीले उफ्रिदै आएर भनिन "कसले भन्यो होला पुनटुलाई ? ""आँ मैले थाहा पाई हाल्छु नि  फेसबूकमा सबैको  बाबाको फोटाे छ ,अझै खुप" नानुको  कुरा सुनेर  मामु हाँसिन ।"अनि बाबाले माया गर्नु हुन्छ त भयो नि  किन  फोटाे राख्नु त ? 

छोरी नाइ नाइ नाइ भनेर जिद्दी गर्न थालिन ।  ल ल  पख एकछिन पछि  राख्छु अहिले हेर्ने है । " या हु लव यु मामु "  छोरी बुर्कुस्सी मारेर  "मेरो पनि बाबा को फोटाे फेसबूकमा , तिम्ले मात्रै  राखेँ भने हौला खुप  ।" साथीलाई सुनाउँछिन । 

मामु मैले पोस्ट गरुँ ? बाजे ,बाबा र अंकल  सबैको राख्छु हुन्छ ? " बाबुले उत्सुकता देखाउँछ ।

थोरै पर  बसेका बाजेले पनि कुरा सुनिरहेका थिए । ए नाति सुन्तो  त्यो के जाती  फ्यासबूकाँ  राख्न  लाईस क्या फोटा ? अलि भर्खर को राखेस है।"  

नातिलाई  झिमिक्क आँखा झिम्काउँदै भन्छ्न ।बाजे।नातिले अचम्म मान्दै भन्छ " किन भर्खरको हो नि  अस्तिनैको राख्ने , हजुरको त आजभोलि पुरै बाल फुलेछ  । म त ओल्ड  वाला राख्छु ।  "कस्तो कुरा न बुझेएको त्यही त भनेछु भर्खरको  राख  चिटिक्कको  भनेको "  उँइया उँइया म त   ओलड नै राख्छु  ।" हैत बजिया यसको  र मेरो त पटक्कै कुरा  मिल्दैन । क्यार्नी होला हय बुहारी। ?" "आफै बाजे नाति सल्लाह  गर्नुस ,मैले के भनुँ ?" बुहारी मुसुमुसु हास्दै भान्छामा पसिन ।

 "बाजे एउटा कुरा भन्नू त बाबाहरु त सबै बाबा हुन होइन्न र ।?" नातिले जिज्ञासा राख्यो । "हुन त कल्ले होइन  भन्यो र ?" 

सोध्न मन लागेर ।" पल्ला घरकि सानिमाले भनेको सुनेको यस्ता  नि बा हुन्छ्न?  घर बस्नु बाहिर  नहिंड्नु , धेरै बाहिर  हिंड्दा कोरोना सर्न सक्छ अनि घरमा बसेकालाई पनि हुन सक्छ  । आफ्नो परिवार , छोराछोरीको माया नि लाग्दैन कि क्या होर ?" भनेर सानबा लाई  भन्नू भाथ्यो त्यही भएर सोधेको ।

नातीको कुरा  सुनेर बाजे मुसुक्क हांस्दै  कुरा बुझाउन खोज्छ्न ।

हेर बाबू   बा चाहिँ बा नै हुन फरक यत्ती होकि असल बा हुन कि ?,,,,,,, 

"मैले बुझेँ हजुरबुबा हजुरले भन्न खोज्नु भको कोरोनाबा ,, बाहिर बाट कोरोना लिएर सार्ने बा कोरोना बा  हन हन?"  @मैले क्स्तो पहिलै कुरा बुज्छु त ?"भन्दै नाति  फुरुक्क गर्‍यो ।"हैट कुखुराले मुत्दैन  यो बजियाले कुरा बुझ्दैन ।" मधेसमा हुर्केको बोइलर ।"   उम मलाई त बोइलरको मासु फ्राइ 😋😋😋 कति मन पर्छ  । 

लोकल को त हड्डी  मात्र हुन्छ ।  कहिले काहीँ घर  ल्याउनु हुन्छ मलाई त खाए जस्तो नै हुदैन ।" नातिले कुरा थप्यो ।

तयसो भए   हजुर  लोकल हो हन बाजे ?" 

मामुले भन्नू भएको गाउँमा  पाइने चिज  लोकल रेन्त ह्जुर गाउँमा हुनुन्छ नि त , म  शहरमा भएसी  बोइलर ।  नातिको कुरा सुनेर बाजे  धेरै  बेर पेट  मिची मिची हाँसे ,,,,,, हा हा हा हा होइन बुहारी  यो बजिया कुन दिनमा जन्मेछ  बाउन्न ताल कुरा गर्छ "त्यो त  मलाई थाहा छ नि  शनिबार ।" ए बिदाको दिनमा जन्मेर पो बुद्धि पनि बिदामा बसे रैछ त हा हा हा हा हा " मुख बन्द गरेर नाक फुल्याउदै  हुम्म पर्दै ठूल्ठूला   आँखा बनाएर नातिले बाजेलाई हेर्यो । 

"लौ अहिले त बाघ  जस्तै देखियो त ।"

यस  आइ एम अ  टाइगर हाँ हाँ " नाति फुरुक्क फुर्किदै  बाघ जस्तै हुँकार्न थाल्छ ।

बाजे मामु ले भनेको गाली गर्नु हुन्न रे त  ।हजुर त  सँधै गाली गर्नु हुन्छ त किन ? हैट कहाँ तँलाई कल्ले गाली गरेछ र ?" बजिया  भन्दै बाजे  हाँस्छ्न   । भो भो  तँ बोइलर को औँरेजी मैले बुझ्दैन मेरो नेपाली  तैले । छोडे भो  अरु कुरा गरम  केटा । बाजेले चस्मा निकाल्दै भन्छ्न ।

बाजे मैले  हजुरको फोटाे राखेँ  भने के गर्नु हुन्छ ?" "के न के , के अर्नि होइच र तैले राख्छ्स सकिन्छ"  बाजेको जवाफ ।" ए  कस्तो  सेलफिश है  ?"  सेल रोटी होला नि केको सेल फिस भन्छ । घुमाउने रोटी  भन्न नि जान्दैन यो बजियाले हा हा हा हा ह हा ।"

 मामुले भनेको ,,,  फेसबुकमा  लाईक ,कमेन्ट ,शेयर र केयर सबै  सापटि होरे ।

" ए  त्यो भनेको के होर मैले मेसो पाएन । "कस्तो झ्याउ गर्नुहुन्छ हजुर ,उसो भए हन के बुझ्नु भयो  हजुरले ल त्यही भन्नू त।"

किन न भन्ने औंरेजि नातिको बाजे  हुम करे भनी हाल्छु नि । " ल सुन एउटा  त करेन्ट  भन्थिस हुन्तो  त्यही के खोलाँ माछा मार्ने  अनि  यो बिजौली बत्ती बाल्ने त्यही हो ।

 अर्को लाईट  भन्थिस  तेरो बा कतार बाट आउँदा मलाई  लयाइदिएको नि ,  बडो  खप्यो हेर  यहाँ बाट बालेको  उहाँसम्म मान्छे देखिन्थ्यो । पछि तैले नै बिगर्दिस त त्यो ।  

अर्को  शेयर भन्थिस  आज भोलि यो किलो  भने झै उति बेला शेयर हुन्तो मासु काट्दा  त्यसैले नापो गर्ते ।

 अझै एउटा  के जाती भन्थिस भन त फेरि 

केयर के बाजे  "ए ए हाम्ले त्यही  कालो पाटिमा केरेर त नाउँ लेख्ने भाको  तिमारुका झै काफी हुन्नते । चौरमा बसेर पढ्ने  कोइला ब्याट्री फोरेर  पाटि रंगाउथ्यौ अनि गुरुले अब केर भनेपछी  खरीले केर्तेम। 

बाजेका  कुरा सुनेर नाति पेट मिचीमिची हाँस्यो । ए बजिया  भुँचालो जाने गरि किन हाँसेछ भनेको  ?" 

हन बाजे  ,,,,,,,,,  हजुरले  मैले भनेको बुझ्नु भएन 

हैट  तँ सित  कुरै गर्दैन ,आबो देखुन । ल ल म नि  बोल्दैन हजुरसँग ।  नातिले पनि घुर्की लाउँछ "आज बाजे  नातिको खुब गफ  निस्केछ त" बुहारीले बेसारपानी ससुरालाई दिँदै भनिन् ।"एउटा भर्खरको फोटाे राख्तनी भनेको ! त्यसैमा के के भन्छ बा ! "ए होर ल छोडनु ती कुरा खाना पाक्यो अब खाना आउनुस दुवैजना। " बुहारीले भनिन्  ।

बाजे  साबुन पानीले हात  धुँदै छ्न। "बाजे मैले फोटाे  राखेँ हजुरको ओल्ड वाला है ।" नातिले भन्छ ।

न राख् अलि भर्खरको राख्  भन्दा मान्दैनस्  पर्दैन  तेरै बाको राख् ।अँ बाजे खाली भर्खरको भन्नू हुन्छ आजभोलि  हजुरको फेसमा कति धेरै लाइन -लाइन छ  ओल्ड वालामा छैन म त्यही राख्छु ।

बाजे  गम्छाले  हात मुख पुस्दै थिए । यता  नातिले फोटाे राखेर हेर्नुस त यो फोटाे राखेँ कस्तो छ ?

बाजे मुसु मुसु हाँस्दै भन्छन् "यहि त हो भर्खर को फोटाे भनेको ।" हा हा हा हा  मैले नि त त्यही भनेको  नि बाजे । हैट यो बजियाको औंरेजि पो न बुझेको रैछु मैले ।

बाजे  दाँत न भएका रित्ता गिँजा  देखाउदै हा हा हा हा हाँस्न थाल्छ्न  यता नाति क्याप्सन लेख्छ । हयाप्पी फादर्श  डे  टु अल  फादर्श ❤️