कलम आवाज

  नेपाल यातायात महिला चालक समुहले  युवाहरुलाई रोजगार सृजना गर्ने उद्येश्यले  एक महिने  ड्राइभिङ तालिम सञ्चालन  गरेको छ । विहिबार कार्यक्रम  उद्घाटन गरि सहभागी प्रशिक्षार्थीहरुलाई ओरेन्टेशन क्लास  सम्पन्न गरिएको छ ।     सस्थाले विगत लामो समय देखि विपन्न तथा आर्थिक स्रोत कमजोर भएका महिलाहरुलाई स्वरोजगार बनाउनको लागि विभिन्न किसिमका आयमुलक  तथा व्यक्तित्त्व  विकास सम्बन्धि तालिमहरु प्रदान गर्दे आएको छ । विभिन्न जिल्लाबाट काठमाण्डौँमा आई बसोबास गरेका महिलाहरुलाई निशुल्क रुपमा सञ्चालन गरिएको उक्त कार्यक्रम माघ १३ गते आईतबारबाट सञ्चालन भएको हो । एक महिना सम्म सन्चालन हुने ड्राइभिङ तालिम राष्ट्रिय युवा परिषद भक्तपुर र  नेपाल यातायात महिला चालक समुहको समन्वयमा संचालन भइरहेको  सस्थाकी अध्यक्ष मिना चन्द ठकुरीले जानकारी दिनुभयो ।

  अन्तर्राष्ट्रिय जलरङ् दिवसकाे १०ओैं वार्षिकोत्सवको अवसरमा आईतवार लुम्बिनी प्रदेशका कलाकारहरुले बुटवलकाे मगर्स किचेनमा जलरङ् कार्यशाला सम्पन्न गरेका छन् ।  कार्यशालाकाे उद्घाटन नेपाल ब्यवसायी कलाकार संघका केन्दीय सहअध्यक्ष शान्तराम गिरिले बेलुन उडाएर गरेका थिए । उद्घाटन गर्दै गिरिले भने-कलाकारहरु स्वतन्त्र र स्वच्छन्द हुन्छन् । अन्तर्राष्ट्रिय जलरङ् समाज,नेपाल लुम्बिनी प्रदेशका संयाेजक सुमित्रा राना,सुत्पराईका अनुसार रुपन्देहीका १० जना कलाकारहरु सहभागी कार्यशालामा स्थानीय रुपमा रहेका धार्मिक, ऐतिहासिक, पुरातात्त्विक,सामाजिक एवम् पर्यटकीय गन्तव्यहरुका चित्र काेरिएका छन् ।  कलाकारहरुले आफ्नाे कूचीलाई विषम परिस्थितिमा  सिर्जनात्मक तरिकाले उपयाेग गरि आफ्नाे बाँच्ने आधारहरुलाई समेत जीवन्त राख्ने नेपाल ब्यवसायी कलाकार संघ,रुपन्देहीका अध्यक्ष बेनप्रसाद थापाले बताए ।  उक्त कार्यशालामा पाकापुराना कलाकार मन गाेल्डी,आरके लिगलसहित नयाँ पुस्ताकाका सुमित्रा राना,बेथा लगायतले सहभागिता जनाएका संघका सल्लाहकार एच बी रम्तेलले बताए ।

  पाल्पा तिनाउ वडा नं. १ काे रामपाटामा शनिवार एक कार्यक्रमका बीच पानस वाईल्डलाईफ तथा एग्राे फर्मले सञ्चालन गरेकाे रिसोर्टकाे तिनाउ गाउँपालिका अध्यक्ष ओमबहादुर घर्तिमगरले उद्घाटन गर्दै ग्रामीण पर्यटन प्रवर्द्धनमा सहयाेग मिल्ने बताए । साथै उनले गाउँकाे उत्पादन गाउँमै बिक्री हुने र स्थानीयहरुले राेजगारकाे अवसर प्राप्त गर्न सक्ने बताए ।  साथै उक्त फर्मले स्थानीय क्षेत्रमै कालिजपालन ,त्यसकाे चल्ला तथा सिङ्गै कालिज बिक्रीवितरणकाे समेत प्रवन्ध गरेकाे सञ्चालक माेतीराज न्याैपानेले कताए ।  फार्मका अर्का सञ्चालक माेती गाैतमले यस क्षेत्रमा रिसोर्ट खाेलेर आन्तरिक पर्यटकलाई आकर्षण गरि आम्दानी बढाउने याेजना बनाएकाे सुनाउँदै अहिले ६ वटा काेठा र सभा हल बनाएर पर्यटकलाई सेवा दिन थालिएकाे बताए ।  साे कार्यक्रममा सिद्धबाबा मन्दिर विकास समितिका अध्यक्ष दलबहादुर गुरुङ,युवा नेता प्रेम श्रेष्ठ,जनप्रतिनिधि अमर तरामू लगायतले उक्त रिसाेर्टकाे सफलताकाे कामना गरेका थिए ।

  बुटवलमा रहेकाे कानुङ बचत तथा ऋण सहकारी संस्था लिमिटेडले आफ्नाे सञ्चालक समिति,लेखा समिति,शिक्षा,कर्जा तथा धिताे मूल्यांकन उपसमिति र सल्लाहकारहरुलाई मंगलवार  सहकारी सञ्चालन र व्यवस्थापनमा टीम बिल्डिङ्ग सम्बन्धि एक दिवसीय तालिम सम्पन्न गरेकाे छ ।  विगत,वर्तमान र भविष्यमा सहकारी,सहकारी सञ्चालन र व्यवस्थापनमा टीम बिल्डिङ्ग,सहकारी सफलताका मापन आधारहरु,सहकारीमा स्वनियमन,सहकारीका सबल,सुधारका पक्षहरु,अवसर र चुनाैती विषयहरुमा प्रमुख सहजकर्ताका रुपमा सामाजिक उद्यमी दलबहादुर गुरुङले प्रयाेगात्मक रुपमा सहजीकरण गरेका थिए । तालममा सहजकर्ताका रुपमा रहेकी महिला उद्यमी गीतारानी बलालले सहभागीहरुलाई सहकारी,महिला र सीपका बारेमा  अनुभवहरु प्रस्तुत गरेकी थिईन् ।  तालिममा सहकारीका तर्फबाट अध्यक्ष टाेपबहादुर थापा र सचिव बेनप्रसाद थापाले आआफ्ना विचार राखेका थिए ।  एक हजार तीन सदस्य रहेकाे उक्त सहकारीकाे वार्षिक काराेवार १८ कराेड रहेकाे र उत्पादनशील क्षेत्रमा र उद्यमशीलतामा महिलालाई अग्रसर गराई कर्जा प्रवाह गरिएकाे  संस्थाकी प्रमुख कुसुम पुन थापाले बताईन् ।